2025-ci ildə Azərbaycana gələn turistlərin sayı 3 milyona çatacaq.

"Far.Az" xəbər verir ki, bu barədə Dövlət Turizm Agentliyinin sədrinin müşaviri Kənan Quluzadə “Şahdağ” Turizm Mərkəzinin birgə təşkilatçılığı ilə keçirilən 2024-cü ilin turizm yekunlarına və qış mövsümünün açılışına həsr olunmuş mətbuat konfransında məlumat verib.

Onun sözlərinə görə, hazırkı artım templərinə əsasən, 2028-ci ilə qədər illik turist sayının 4 milyona yüksəlməsi proqnozlaşdırılır.

"2024-cü ildə Azərbaycana 24 519 kommersiya yönümlü uçuş həyata keçirilib ki, bu da əvvəlki dövrlə müqayisədə 18 % artım deməkdir. Eyni zamanda, yanvar-oktyabr aylarında turistlərin yerləşdirilməsi və ictimai iaşə sektorunda ümumilikdə 2,49 milyard manatlıq əlavə dəyər yaranıb ki, bu da ötən ilin müvafiq dövrü ilə müqayisədə 11,3 % artım təşkil edir," - deyə K. Quluzadə bildirib.

Oxşar xəbərlər

Agentlik: Daşaltıda Turizm İnformasiya Mərkəzi yaradılacaq

Cavanşir Bayramov: “Azərbaycanın turizm potensialı beynəlxalq səviyyədə daha geniş tanıdılacaq”

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

Azərbaycanın turizm imkanları Özbəkistanda sərgilənir