Bu gün daha sürətli oynadıq.

"Far.Az" xəbər verir ki, bunu "Araz-Naxçıvan" futzal komandasının baş məşqçisi Vitali Borisov UEFA Çempionlar Liqasının ilkin mərhələsində “Sillamae Silla” (Estoniya ) komandası üzərində 7:0 hesablı qələbədən sonra deyib.

Mütəxəssis qalib gəldikləri üçün sevincli olduqlarını bildirib:

“Dünənki “Sparta Belfast” (Şimali İrlandiya) görüşü ilə müqayisədə bu gün daha yaxşı çıxış etdik. Oyunumuzda sürət artmışdı. Düzdür, yenə qol epizodlarından istədiyimiz qədər faydalana bilmədik. Rəqibin də 4-5 qol epizodu oldu, amma qapıçılarımız yaxşı oynamaqla qapımızı toxunulmaz saxlamağı bacardılar. Son addım qalıb. İnşallah, bu iki oyunda qaçırdığımız epizodları “Uddevalla” matçda realizə edərik”.

Qeyd edək ki, avqustun 24-də isə İsveçin “Uddevalla” klubu ilə qarşılaşacaq. Yalnız qrup liderləri əsas mərhələyə vəsiqə qazanacaq.

Oxşar xəbərlər

"Araz-Naxçıvan"ın baş məşqçisi: Komandalar arasında səviyyə fərqi aşkar görünürdü

"Araz-Naxçıvan" Çempionlar Liqasında növbəti qələbəsini qazanıb

"Araz-Naxçıvan" Çempionlar Liqasında mübarizəyə qələbə ilə başlayıb

"Araz-Naxçıvan" Çempionlar Liqasında mübarizəyə başlayır

UEFA Çempionlar Liqası: "Qarabağ" "Dinamo"ya məğlub olub - YENİLƏNİB - 6