“Səma xanımı” filminin təqdimatı keçirilib.

“Report” xəbər verir ki, film Qafqazın və Yaxın Şərqin ilk təyyarəçi qadını Leyla Məmmədbəyovaya həsr olunub.

“Səma xanımı” filmi Azərbaycan Televiziyası, “Azərbaycan Hava Yolları” QSC və Ailə, Qadın, Uşaq Problemləri üzrə Dövlət Komitəsinin dəstəyi ilə ekranlaşdırılıb və xronometrajı 30 dəqiqə təşkil edir.

Peşəsinə sevgisi və qəhrəmanlığı ilə tarixdə iz qoymuş Leyla Məmmədbəyova ilk təyyarəçi qadın olmaqla yanaşı, həmçinin SSRİ-nin ikinci qadın paraşütçülərindən biri kimi də tanınıb.

Filmdə Leyla xanımın qadınların bir çox məhrumiyyətlərinin olduğu 1930-1933-cü illərdə mübarizəsi, məcburi örtük olan çadradan imtinası, qorxmazlığı, möhkəm iradəsi bədii xəttlə göstərilib. Eləcə də, cəmiyyətin qınağına baxmayaraq, həyat yoldaşı Bəhramın ona bu mübarizədə dəstəyi diqqətə çatdırılıb. Filmdə tamaşaçıya Leylanın oxumaq istəyi, Bakı Təyyarəçilər Məktəbinə qəbulu, uğurlu tələbə olması, ilk sərbəst uçuşu və daha sonra paraşütdən tullanışı çatdırılır.

Filmin əsas məqsədi böyük işlər görmüş tarixi şəxsiyyətlərimiz haqqında ictimaiyyəti, eləcə də bütün dünyanı məlumatlandırmaqdır.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Mehriban Əliyeva - Vətənə, xalqa, dövlətə, milli və bəşəri dəyərlərə böyük sədaqət nümunəsi

Bakıda COP29-un Liderlər Sammitinin açılış mərasimi keçirilib - YENİLƏNİB-2