Bu gün futbol üzrə Misli Premyer Liqasında XIX turun daha iki oyunu keçiriləcək.

"Far.Az"un məlumatına görə, günün ilk matçında "Zirə" "Araz-Naxçıvan"ı qəbul edəcək.

Zirə İdman Kompleksinin stadionunda baş tutacaq qarşılaşma saat 16:00-da başlayacaq. Ardınca isə "Sumqayıt" "Səbail"lə üz-üzə gələcək. Stat fiti saat 18:30-da səslənəcək görüş Mehdi Hüseynzadə adına Sumqayıt şəhər stadionunda reallaşacaq.

"Araz-Naxçıvan" turnir cədvəlində 39 xalla ikinci, "Zirə" 30 xalla dördüncüdür. 20 xala malik "Sumqayıt" altıncı, 9 xalı olan "Səbail" isə sonuncu - onuncu yerdə qərarlaşıb.

Misli Premyer Liqası

III dövrə, XIX tur

18 yanvar

16:00. “Zirə” – “Araz-Naxçıvan”

Hakimlər: Əliyar Ağayev, Zeynal Zeynalov, Akif Əmirəli, Rəşad Əhmədov.

VAR: Cavid Cəlilov.

AVAR: Şirmamed Mamedov.

Hakim-inspektor: Anar Salmanov.

Zirə İdman Kompleksinin stadionu

18:30. “Sumqayıt” – “Səbail”

Hakimlər: İnqilab Məmmədov, Namik Hüseynov, Rahil Ramazanov, Kamran Əliyev.

VAR: Rauf Allahverdiyev.

AVAR: Teymur Teymurov.

Hakim-inspektor: Ramil Diniyev.

Mehdi Hüseynzadə adına Sumqayıt şəhər stadionu

Qeyd edək ki, turun digər açılış matçında "Qarabağ" "Şamaxı"nı 3:2 hesabı ilə məğlub edib.

Oxşar xəbərlər

Premyer Liqada XIX turun təyinatları açıqlanıb

Premyer Liqa: “Qarabağ” – “Araz-Naxçıvan” oyununun hakimləri açıqlanıb

Azərbaycan Premyer Liqası: X turun hakim təyinatları açıqlanıb

Azərbaycan Premyer Liqası:  “Qarabağ” – “Sabah” oyununun hakimləri açıqlanıb

Premyer Liqa: "Sabah" - "Neftçi" matçının təyinatları açıqlanıb