Tbilisidə yerləşən Mirzə Fətəli Axundzadə adına Azərbaycan Mədəniyyəti Mərkəzinin təşəbbüsü və Gürcüstan Mədəniyyət Nazirliyinin dəstəyi ilə böyük Azərbaycan dramaturqu Mirzə Fətəli Axundzadənin “Lənkəran xanının vəziri” əsəri səhnələşdirilir.

Bu barədə “Far.Az”un yerli bürosuna Mirzə Fətəli Axundzadə adına Azərbaycan Mədəniyyəti Mərkəzinin direktor müavini Leyla Əliyeva məlumat verib.

Onun sözlərinə görə, əsər tanınmış gürcü yazıçı və tərcüməçi Akaki Tsereteli tərəfindən 1870-ci ildə gürcü dilinə tərcümə olunub.

L.Əliyeva bildirib ki, tamaşanın yenidən səhnə həyatı qazanmasında əsas məqsəd Azərbaycan mədəniyyətini Gürcüstanda təbliğ etmək və iki xalq arasında mədəni əlaqələrin daha da inkişafına töhfə verməkdir:

"Tamaşa Gürcüstanın nüfuzlu teatr səhnələrinin birində peşəkar aktyorların iştirakı ilə hazırlanacaq. Hazırda bu istiqamətdə işlər davam etdirilir".

Oxşar xəbərlər

Görkəmli Azərbaycanlılar Panteonu: dostluq rəmzi - Tbilisi Botanika Bağından REPORTAJ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ

Mehriban Əliyevanın doğum günüdür

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ