Kioto Universitetinin yaponiyalı alimləri Ryuqu asteroidində duz minerallarının olduğuna dair sübutlar aşkar ediblər.

“Far.Az” xəbər verir ki, bu barədə araşdırma “Nature Astronomy” (NatAstro) elmi jurnalında dərc olunub.

Nəticələr göstərib ki, keçmişdə Ryuqunda duzlu su mövcud olub. Komanda 2020-ci ildə “Hayabusa2” zondunun topladığı nümunələri tədqiq edib. Nümunələr natrium karbonat, halit və natrium sulfatlardan ibarət olub. Bütün bu birləşmələr isə suyun iştirakı ilə əmələ gəlir.

Tədqiqatçılar Ryuqunun vaxtilə təxminən 4,5 milyard il əvvəl mövcud olan daha böyük göy cisminin bir hissəsi olduğunu irəli sürüblər.

Tədqiqat məqaləsinin həmmüəllifi Toru Matsumoto bildirib ki, duz mineralları məhdud maye tədarükü şəraitində əmələ gələ bilərdi, sonra buxarlanıb və ya donub. Onun sözlərinə görə, kəşf suyun planetlərin və onların peyklərinin əmələ gəlməsindəki rolunu anlamaq üçün mühüm əhəmiyyət kəsb edir.

Alimlər oxşar duz yataqlarının cırtdan Serera planetində, eləcə də yeraltı okeanların mövcud olduğu güman edilən Yupiter və Saturnun peykləri olan Avropa, Qanimed və Enseladda da ola biləcəyini ehtimal edirlər.

Qeyd edək ki, “Hayabusa2” missiyası asteroiddən Yerə beş qramdan çox material gətirib. Bu nümunələr Günəş sisteminin erkən formalaşması və həyatın mümkün prekursorları haqqında yeni təfərrüatları aşkar etməyə kömək edir.

Oxşar xəbərlər

Vətən müharibəsinin başlamasından 4 il ötür

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Sabah səmada "planetlərin paradı" başlayır

Marsdan olan meteoritdə qədim geotermal qaynaqların izləri aşkar edilib