"Dayanma-durma və parklanma qaydalarının tənzimlənməsi, eləcə də neqativ halların aradan qaldırılması məqsədi ilə polis əməkdaşları tərəfindən mütəmadi olaraq tədbirlər həyata keçirilir".

Bunu BAKU.WS-in sorğusuna cavab olaraq DİN-in Mətbuat Xidmətinin əməkdaşı polis leytenantı Lumu İsrəfilli bildirib.

"Həmin ünvan ərazi polis orqanının əməkdaşları tərəfindən nəzarətə götürülüb. Qanunsuz parklanma yeri təşkil edən şəxslə profilaktik söhbət aparılmaqla barəsində qanunla nəzərdə tutulan qaydada tədbir görülüb",-deyə DİN rəsmisi əlavə edib.

***12:37

Bakının Nizami rayonu, Mahsəti Gəncəvi küçəsi 41 ünvanında küçədə qanunsuz parklanma təşkil edilib.

Bu barədə BAKU.WS-in "qaynar xətti"nə şikayətçi Nicat Abdullayev məlumat verib.

Onun sözlərinə görə, birzolaqlı, bir istiqamətli yolda naməlum nəfər şəxs qanunsuz şəkildə yolun həm sağ, həm də sol tərəflərini zəbt edib.

"Həmin şəxs ərazidə avtomobil saxlamaq istəyən sürücülərdən qeyri-qanuni şəkildə pul yığır. O, sürücülərə kobud və təhqiramiz davranır, əgər ona pul verilməzsə, "bura mənim ərazimdir", "mən buranı həll etmişəm", "istədiyim yerdə dəmir və beton maneələr qoya bilərəm" kimi ifadələr işlədir. Yolun hər iki tərəfi qeyri-qanuni şəkildə beton bloklar və metal maneələrlə tamamilə bağlayıb".

Ərazidən kadrları təqdim edirik:

Oxşar xəbərlər

Bir sıra heyvan kəsimi və ət satışı məntəqələrində nöqsanlar aşkarlanıb

Bakıda naməlum şəxs yolun hər iki tərəfini zəbt edib sürücülərdən pul alır - ŞİKAYƏT

Prezident İlham Əliyev XII Qlobal Bakı Forumunun açılış mərasimində çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İftar məclislərinə görə şəhərin küçələrində sıxlıq yaranır - RƏSMİ