Milyonlarla izləyicisi olan azərbaycanlı bloqer Hüseyn Həsənov Rusiya Rəqəmsal Təhlükəsizlik İnternet Liqasının rəhbəri Yekaterina Mizulinanı məhkəməyə verəcəyini açıqlayıb.

Bu barədə Həsənov özünün "Instagram" səhifəsində paylaşım edib.

Onun bu addımı atmasının səbəbi Mizulinanın sosial şəbəkələrdə bloqerlə bağlı səsləndirdiyi fikirlərdir. Həsənov hesab edir ki, Mizulinanın sosial media hesabı bağlanmalıdır.

Qeyd edək ki, dünən Hüseyn Həsənov barəsində qiyabi həbs qərarı çıxarılıb. O, külli miqdarda pulun yuyulması və qanunsuz leqallaşdırılması ittihamı ilə yeddi ilədək azadlıqdan məhrum edilə bilər. Bloqer isə bu iddiaları təkzib edərək, vergi borcunun olmadığını bildirib.

Həsənovun beynəlxalq axtarışa verilməsindən sonra Mizulina əlavə edib ki, bloqerlə bağlı hüquq-mühafizə orqanlarına ilk dəfə 2023-cü ildə müraciət edib. O, Həsənovu "nağıl danışan dələduz" adlandıraraq, onun fırıldaqçılıq fəaliyyətlərinin ictimai təhlükə yaratdığını deyib. 

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Dövlət satınalmaları qanunvericiliyinin pozulmasına görə sanksiyaların dəyişdirilməsi ilk oxunuşda qəbul edilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Hüseyn Həsənov axtarışa verilməsini şərh etdi

Cinayət və İnzibati Xətalar Məcəllələrində satınalmalara dair dəyişikliklər qüvvəyə minib