Sumı vilayətinin mərkəzi olan Sumı şəhəri hər gün artilleriya və raket zərbələri altındadır.

Bildirilir ki, Rusiya Ordusu Sumı şəhərinin 25-30 kilometrliyinə qədər yaxınlaşıb. Şəhərdə vəziyyət gərgin olaraq qalır.

Sumıya, xüsusilə, Rusiyanın Kursk və Bryansk vilayətləri istiqamətindən hücumlar şiddətlənib. Qeyri-rəsmi məlumatlara görə, bu istiqamətdə Ukraynanın 100-dən çox yaşayış məntəqəsi Rusiya tərəfindən işğal olunub. Sumı şəhərinin mərkəzinə olan hücumların intensivləşməsi səbəbindən vilayətdə humanitar böhran günü-gündən artır.

Sumı vilayətinin rəhbəri Oleq Qriqorov mövcud vəziyyətlə bağlı "Baku TV"yə danışıb.

"İndiki şəraitdə Silahlı Qüvvələrimiz mövqelərimizi qorumağa çalışırlar. Hazırda bizim üçün prioritet məcburi köçkünlər üçün mənzil tikintisidir. Bu təcrübəyə malik olduğumuz üçün və tərəfdaşlarımız, o cümlədən BMT-nin Qaçqınlar üzrə Ali Komissarlığı belə məsələlərdə bizim istəyimizi müəyyən qədər qarşılayır. İndiki vəziyyətdə bizə bərpa işləri, dağıntıların təmizlənməsi, xilasetmə işləri üçün texnika lazımdır. Bura humanitar yardım paketləri, tibbi yardımlar da daxildir.

Mövcud risklərə baxmayaraq, qəza briqadaları sistemli və məhsuldar fəaliyyət göstərirlər. Hazırda gün ərzində təxminən üç-dörd enerji təchizatı obyektində zədələnmə qeydə alınır və dərhal həmin istiqamətdə bərpa işləri aparılır", - deyə o bildirib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3