Naxçıvandakı qəzada ölən və xəsarət alanların kimliyi məlum olub.

BAKU.WS "Report"a istinadən xəbər verir ki, bu gün səhər saatlarında Kəngərli rayonunun Xok kəndi yaxınlığında baş verən qəzada ölən və yaralananların kimliyi məlum olub.

Belə ki, Qıvraq qəsəbə sakini 1996-cı il təvəllüdlü Məmmədov Emin Rza oğlu və 1974-cü il təvəllüdlü Məmmədzadə Davud Yaqub oğlu qəza zamanı keçinib.

Naxçıvan Muxtar Respublika Xəstəxanasının həkimi Əlisahib Həsənli jurnalistlərə verdiyi açıqlamasında bildirib ki, qəzada hamilə qadın Qıvraq qəsəbə sakini 2000-ci il təvəllüdlü Məmmədova Xanım Müşfiq qızı və Şərur rayonu Cəlilkənd sakini 1981-ci il təvəllüdlü İsayev Yaməddin Şəmsəddin oğlu xəsarət alıblar.

Həkimin sözlərinə görə, onların vəziyyəti ağır olaraq qiymətləndirilir.

Qeyd edək ki, qəza zamanı ölən Emin Məmmədov Kəngərli rayonu Qıvraq qəsəbəsinin icra nümayəndəsi vəzifəsində çalışırdı,

***10:23

Naxçıvan MR-də iki avtomobilin iştirakı ilə baş vermiş ağır yol-nəqliyyat hadisəsində 2 nəfər ölüb, yaralananlar var.

 BAKU.WS xəbər verir ki, olay Naxçıvan – Sədərək magistralının Kəngərli rayonu ərazisindən keçən hissəsində baş verib.

Belə ki, "NAZ Lifan" markalı avtomobillə "Qazel" markalı avtomobil toqquşub. Yaralılar Naxçıvan Muxtar Respublika Xəstəxanasına yerləşdiriliblər.

Hadisə yerinə Daxili İşlər və Fövqəladə Hallar Nazirliyinin əməkdaşları cəlb olunublar.

Faktla bağlı araşdırma aparılır.

Qalereya

Oxşar xəbərlər

Prezident İlham Əliyev Əfv Sərəncamı imzalayıb

Bir qrup dövlət qulluqçusu təltif edilib - SƏRƏNCAM

Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Azərbaycanda qan banklarının siyahısı yenilənib

İlham Əliyev bir qrup incəsənət xadimini təltif etdi - SƏRƏNCAM