Türkiyənin Mədəniyyət və Turizm Nazirliyinin Kino Baş İdarəsi Osmanlı imperiyasının son dövrü və Türkiyə Cümhuriyyətinin ilk illərinə aid nadir görüntüləri əhatə edən filmlərin rəqəmsallaşdırılması istiqamətində işləri sürətləndirib.

BAKU.WS haberglobal-a istinadən xəbər verir ki, Kino Baş İdarəsinin arxivində 13 min 500 film qutusu saxlanılır. İdarənin Arxiv və Dəstək Xidmətləri şöbəsinin müdiri Nihat Değirmenci bildirib ki, bu filmlərin böyük hissəsi müxtəlif dövlət qurumlarından toplanıb və tədricən rəqəmsal formata keçirilir. Hazırda 4 min 752 film qutusu rəqəmsallaşdırılıb, layihənin tam başa çatması isə 5–6 il çəkəcək.

Değirmenci qeyd edib ki, arxivdə Osmanlı dövrü, Atatürk dönəmi və Qurtuluş Savaşı ilə bağlı çox dəyərli görüntülər var.

Bu filmlər Türkiyənin tarixi, sosial və mədəni həyatına işıq salır və tədqiqatçılar üçün mühüm mənbə rolunu oynayır.

Rəqəmsallaşdırılan filmlər "Film Mirasım" saytı və "Sine" adlı YouTube kanalı vasitəsilə ictimaiyyətə təqdim olunur.

Kanalın artıq 10 mindən çox izləyicisi və 12 milyon baxışı var.

Layihə çərçivəsində filmlər əvvəlcə təmizlənir, sonra taranaraq səs və görüntü sinxronlaşdırılır. Nəticədə Türkiyənin kino və mədəni irsinin qorunması, gələcək nəsillərə ötürülməsi məqsədi daşıyan böyük bir arxiv formalaşır.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

29 Sentyabr - Turizm İşçiləri Günüdür