Mütəxəssislər əmzik istifadəsinin həm faydalı, həm də riskli tərəflərinin olduğunu bildirirlər. Pediatrların sözlərinə görə, əmzik körpənin sakitləşməsinə, yuxuya getməsinə və hətta ani körpə ölümü sindromunun (SIDS) riskinin azalmasına kömək edə bilər. Lakin onun düzgün və uzunmüddətli istifadəsi zərərli nəticələrə də yol aça bilər.

BAKU.WS xəbər verir ki, mütəxəssislər xəbərdarlıq edirlər ki, əmziyin 2 yaşdan sonra istifadəsi dişlərin formalaşmasına mənfi təsir göstərə bilər. Bu, ön dişlərdə əyrilik, alt–üst çənənin qeyri-düzgün yerləşməsi kimi problemlərə səbəb ola bilər.

Həkimlər həmçinin əmzikdən yanlış istifadə zamanı ağız boşluğuna düşən mikrobların, qulaq infeksiyaları və ağız göbələyi riskini artırdığını qeyd edirlər. Digər risklər arasında uşağın asılılıq yaratması və əmziyin tez-tez steril edilmədiyi təqdirdə infeksiya mənbəyinə çevrilməsi də göstərilir.

Pediatrlar valideynlərə tövsiyə edirlər ki, əmzik:

-yalnız körpə çox narahat olanda verilsin,

-mütləq steril saxlanılsın,

-2 yaşdan gec olmayaraq tədricən kənarlaşdırılsın.

Mütəxəssislərə görə, əmzikdən istifadə tam qadağan olunmur, lakin düzgün seçilməməsi və uzun müddət istifadə olunması körpələrin sağlamlığına mənfi təsir göstərə bilər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4