ABŞ Venesuela üzərində Çinin nəzarət əldə etməsinə yol verməyəcək.

BAKU.WS-in məlumtına görə, barədə ABŞ-nin energetika naziri Kris Rайт "Fox Business" telekanalına müsahibəsində bildirib.

Nazirin sözlərinə görə, Çin bir çox hallarda "məkrli məqsədlər" güdür və müxtəlif ölkələrlə münasibətlərində maliyyə alətlərindən təsir mexanizmi kimi istifadə edir.

O qeyd edib ki, Pekin "son instansiya kreditoru" rolunda çıxış edərək ölkələri özündən asılı vəziyyətə salır və nəticədə həmin dövlətlər üzərində ciddi nəzarət imkanları qazanır.

"Onlar son ümid kreditoru kimi çıxış edərək ölkə üzərində böyük nəzarət əldə etməyə çalışırlar. Biz bu ssenarinin Venesuelada reallaşmasına imkan verməyəcəyik", – deyə ABŞ-nin energetika naziri vurğulayıb.

Xatırladaq ki, yanvarın 3-də ABŞ Venesuelaya qarşı hərbi əməliyyat həyata keçirib. Hücumlar paytaxt Karakasda və Fort-Tiuna hərbi bazasında partlayışlarla müşayiət olunub. Əməliyyatdan sonra ABŞ prezidenti Donald Tramp onu "uğurlu" adlandırıb və bəyan edib ki, Amerika hərbçiləri Venesuela prezidenti Nikolas Maduronu və onun həyat yoldaşını ələ keçiriblər. Tramp bildirib ki, Maduro artıq prezident deyil və hakimiyyət "hakimiyyətin ötürülməsinə qədər" ABŞ-nin nəzarəti altına keçir.

Daha sonra Donald Tramp açıqlayıb ki, ABŞ Venesuelanın resurslarından istifadə etməklə dünya bazarında neft qiymətlərini aşağı salmağı planlaşdırır. Onun sözlərinə görə, bu addım eyni zamanda Venesuela iqtisadiyyatının bərpasına da töhfə verə bilər.

Mütəxəssislərin fikrincə, Vaşinqtonun Venesuela ilə bağlı sərt mövqeyi təkcə bu ölkənin daxili siyasi vəziyyəti ilə deyil, həm də Latın Amerikasında Çin təsirinin artması ilə bağlıdır. Son illər Çin Venesuelaya milyardlarla dollar kredit ayırıb və enerji sektorunda mühüm layihələrdə iştirak edib. ABŞ administrasiyası isə bunu strateji risk kimi qiymətləndirir və regionda öz təsir imkanlarını qorumağa çalışır.

Beynəlxalq analitiklər hesab edirlər ki, Venesuela ətrafında baş verən son hadisələr qlobal güclər arasında enerji resursları və geosiyasi təsir uğrunda mübarizənin yeni mərhələyə keçdiyini göstərir.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bişkekdə TDT ölkələri hökumət başçılarının iclası olub, Birgə Bəyanat qəbul edilib