Rusiyanın İrkutsk vilayətinin Anqarsk şəhərindəki "Avtomir" ticarət mərkəzində baş verən yanğın söndürülüb.

"Far.Az"un məlumatına görə, bu barədə TASS agentliyinə regionun Fövqəladə Hallar Nazirliyinin Baş İdarəsindən məlumat verilib.

"Anqarsk şəhərindəki yanğın tam söndürülüb", – deyə məlumatda bildirilib.

İdarədən əlavə edilib ki, yanğın 3 min kvadratmetr sahədə lokallaşdırılmışdı.

Daha əvvəl Anqarskda, Çaykovski küçəsi, 1a ünvanında yerləşən ticarət mərkəzində yanğın başladığı barədə məlumat verilmişdi. Hadisə zamanı beş nəfər xilas edilib. İlkin məlumatlara görə, xəsarət alan yoxdur. Binada mühərrik yağları, şinlər, boya və lak məhsullarının saxlanılması yanğın yükünü artırdığı üçün alovun söndürülməsi çətinləşib.

17 yanvar, 18:38

Rusiyanın İrkutsk vilayətinin Anqarsk şəhərində ticarət mərkəzində yanğın baş verib, beş nəfər xilas edilib.

"Far.Az"un TASS-a istinadən məlumatına görə, bu barədə Rusiya FHN məlumat yayıb.

"Hadisə yerinə ilk yanğın-xilasetmə bölmələri çatdıqda müəyyən olunub ki, ticarət mərkəzində yanğın baş verib. Yanğının sahəsi dəqiqləşdirilir, 5 nəfər xilas edilib", – deyə nazirlikdən bildirilib.

Hadisə yerində təxminən 40 nəfər və 10 texnika işləyir.

"İlkin məlumata görə, xəsarət alan yoxdur", - FHN-dən bildirilib.

Oxşar xəbərlər

Avtobusdan istifadə edənlərin NƏZƏRİNƏ! marşrutların hərəkət sxemi...

Baku Ekspo Mərkəzinə avtobusla getmək ÇƏTİNLƏŞİB

Bakıda obyektdə güclü PARTLAYIŞ - 7 nəfər xilas edilib, yaralılar var

Leyla Əliyeva və Arzu Əliyeva arıçılıq məhsullarının sərgi-satış yarmarkasını ziyarət ediblər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN