Azərbaycan COP29-a sədrliyi zamanı Səudiyyə Ərəbistanına birgə təşəbbüslər və tədbirlər həyata keçirməyi təklif edir.

“Report” xəbər verir ki, bu barədə Azərbaycanın maliyyə naziri Samir Şərifov Səudiyyə Ərəbistanı Krallığının yaradılmasının 94-cü ildönümünə həsr olunmuş tədbirdə bildirib.

“Biz Səudiyyə Ərəbistanına COP29 çərçivəsində Azərbaycana dəstək verdiyi üçün təşəkkür edirik. Ev sahibi ölkə kimi Azərbaycan iqlim dəyişikliyinin mənfi təsirləri ilə mübarizəyə öz töhfəsini verir və dünya ölkələrini bu mühüm tədbirə səfərbər etmək üçün səylər göstərir. Səudiyyə Ərəbistanının “yaşıl” enerjiyə keçidlə bağlı zəngin təcrübəsini nəzərə alaraq, Azərbaycanın COP29-a sədrliyi dövründə birgə təşəbbüslərin və fəaliyyətlərin həyata keçirilməsini təklif edirik”, - o deyib.

Nazir vurğulayıb ki, iki ölkə arasında iqlim dəyişikliyi ilə bağlı birgə səyləri müəyyən etmək üçün indiyədək keçirilmiş səmərəli görüşlər bu istiqamətdə gələcək əməkdaşlıq üçün möhkəm zəmin yaradır.

Öz növbəsində Səudiyyə Ərəbistanının ölkəmizdki səfiri İssam bin Saleh Əl-Cuteyli qeyd edib ki, Ər-Riyad Azərbaycanın bu ilin noyabrında keçiriləcək COP29 konfransının təşkilini uğurla həyata keçirəcəyindən əmindir.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

“COP29 üçün effektiv kommunikasiya strategiyaları” mövzusunda media seminarı keçirilib - YENİLƏNİB

Azərbaycan-Səudiyyə Ərəbistanı hökumətlərarası komissiyasının 8-ci iclası yaxın vaxtlarda keçiriləcək

Samir Şərifov: “Azərbaycanda iqlim dəyişikliyi ilə mübarizəyə tələb olunan maliyyənin diaqnostikası aparılır” - MÜSAHİBƏ