Texnologiya şirkəti Google və təhlükəsizlik firmaları iVerify və Lookout iOS 18 əməliyyat sistemində "DarkSword" adlandırılan kritik boşluq aşkar ediblər.

Far.Az xəbər verir ki, bu barədə Wired məlumat yayıb.

Mütəxəssislərin məlumatına görə, bu boşluq bir-biri ilə əlaqəli altı zəiflikdən ibarətdir. Hücum saxta veb-saytlar vasitəsilə həyata keçirilir. İstifadəçi belə saytlara daxil olduqda cihazda zərərli kod gizli şəkildə aktivləşir.

Araşdırmaya əsasən, hücum edən şəxslər sistemin əsas səviyyəsində idarəetmə imkanı əldə edə bilir. Bu isə onların istifadəçinin şəxsi məlumatlarına, o cümlədən parollara, foto və videolara, brauzer tarixçəsinə və tətbiq məlumatlarına çıxış əldə etməsinə şərait yaradır.

Boşluq həmçinin iMessage, WhatsApp və Telegram kimi messencerlərdəki yazışmalar üçün də risk yaradır. Bundan əlavə, kriptovalyuta cüzdanlarının məlumatlarının ələ keçirilməsi ehtimalı da qeyd olunur.

Məlumata görə, problem iOS 18.4–18.7 versiyalarını əhatə edib. Apple isə son yeniləmələrdə, o cümlədən iOS 18.7.2 və 18.7.3 versiyalarında bu boşluğu aradan qaldırıb.

Oxşar xəbərlər

Aqşin Fatehin restoranında saxta alkoqollu içkilər aşkarlandı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Ucarda bazarda ciddi nöqsanlar aşkarlandı, rəhbəri cəzalandırıldı