Bu ilin yanvar-fevral aylarında Azərbaycanda külək elektrik stansiyalarında 141,6 milyon kVt/saat elektrik enerjisi istehsal edilib.

"Far.Az"un Dövlət Statistika Komitəsinə istinadən verdiyi məlumata görə, bu, 2025-ci ilin iki ayı ilə müqayisədə 41,6 dəfə çoxdur.

Hesabat dövründə Azərbaycanda 4 milyard 346,8 milyon kVt/saat elektrik enerjisi istehsal edilib ki, bu da 2025-ci ilin ilk iki ayı ilə müqayisədə 5,2 % azdır. Bunun 4 milyard 212,1 milyon kVt/saatı əmtəəlik elektrik enerjisi olub ki, bu da illik müqayisədə 4,9 % azdır.

Bunun 276,8 milyon kVt/saatı su elektrik stansiyalarının (il ərzində 32,1 % azalıb), 3 milyard 708,2 milyon kVt/saatı isə istilik elektrik stansiyalarının (- 4,9 %), 42,8 milyon kVt/saat biokütlə və tullantıların yandırılmasından alınan elektrik enerjisi (+28,9 %) istehsalının payına düşür.

Hesabat dövründə günəş elektrik stansiyalarında 42,7 milyon kVt/saat elektrik enerjisi istehsal edilib ki, bu da 2025-ci ilin yanvar-fevral aylarının göstəriciləri ilə müqayisədə 1,4 % azdır.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Prezident İlham Əliyev Cəbrayılın Şahvəlli kəndində "Şəms" və "Üfüq" Günəş Elektrik stansiyalarının təməlini qoyub

Ötən ilin "yaşıl enerji" gündəminə baxış - TƏHLİL

Sumqayıt Sənaye Parkında karton və qutu taralarının istehsalı müəssisəsinin açılışı olub

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib