Cari il yanvarın 1-dən sentyabrın 29-dək Afrikada meymunçiçəyi xəstəliyinə 35 mindən çox şübhəli yoluxma halı və bu xəstəliyin səbəb ola biləcəyi 1 000-ə yaxın ölüm müəyyən edilib.

"Report"un xəbərinə görə, bu barədə Ümumdünya Səhiyyə Təşkilatı (ÜST) məlumat yayıb.

Təşkilatın məlumatında bildirilir ki, ÜST-ə Afrikada ilin əvvəlindən bu günədək meymunçiçəyinə 35,525 şübhəli yoluxma halı, o cümlədən 996 ölüm barədə məlumat daxil olub. Sentyabrın 23-dən 29-dək həftə ərzində yoluxanların sayı 4 098, ölənlərin sayı isə 156 nəfər artıb.

İlin əvvəlindən həkimlər xüsusən Konqo Demokratik Respublikasında meymunçiçəyinə daha çox yoluxma və ölüm hallarını müəyyən ediblər - müvafiq olaraq 30,766 və 990. Siyahıda Burundi ikinci yerdədir, ilin əvvəlindən 1 368 nəfərdə meymunçiçəyinə yoluxma şübhəsi var. Bu ölkədə ölüm halı qeydə alınmayıb.

Meymunçiçəyi xəstəliyi ilə bağlı qlobal fövqəladə vəziyyət ilkin olaraq 2022-ci ilin iyulundan 11 may 2023-cü ilə qədər qüvvədə idi. Xəstəliyin azalması səbəbindən ləğv edildi, lakin bu il avqustun 14-də ÜST rəhbəri Tedros Adhanom Qebreyesus Afrikada xəstəliyin yayılması ilə əlaqədar yenidən fövqəladə vəziyyət elan edib.

Oxşar xəbərlər

Meymunçiçəyi virusu nədir, necə yayılır, COVID kimi pandemiyaya səbəb ola bilərmi?

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycana meymunçiçəyi testləri və xəstəliyə qarşı lazımi dərman preparatları gətirilib

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

ÜST Azərbaycana meymunçiçəyi ilə mübarizədə əsas tövsiyələrini açıqlayıb