Dağıstanda sel zamanı itkin düşmüş 5 yaşlı qızın meyiti tapılıb.

BAKU.WS xəbər verir ki, bu barədə Dərbənd rayon administrasiyası məlumat yayıb.

Rəsmi məlumata görə, uşağın cəsədi Mamеdqala qəsəbəsi yaxınlığında aşkarlanıb. Qızın özü isə Velikent kəndindən olub (hər iki yaşayış məntəqəsi Dərbənd rayonunda yerləşir).

Bildirilir ki, suyun səviyyəsinin qalxması nəticəsində Mamеdqala ərazisində federal magistral yolun bir hissəsində güclü axın yaranıb və qızı su aparıb.

Qeyd edək ki, Dağıstanda daşqınlar mart ayının sonlarında güclü yağışlar nəticəsində başlayıb. Aprelin 5-də isə Dərbənd rayonunda yerləşən Gadjux su anbarında bəndin dağılması baş verib. Mamеdqala ilə Gadjux qəsəbələri arasındakı yolda güclü su axını bir neçə avtomobili aparıb.

Rayon rəhbərliyi yeddi nəfərin xilas edildiyini bildirsə də, onlardan ikisi - bir qadın və yeniyetmə sonradan həyatını itirib.

Oxşar xəbərlər

İlham Əliyev Qırmızı Bazar, Hadrut qəsəbələri və Sos kəndinin sakinləri ilə görüşüb

İlham Əliyev Ağdamda 2-ci yaşayış kompleksinin açılışında iştirak edib

Şuşa Dövlət Musiqili Dram Teatrında inkluziv bir qizin mono tamaşası

Turistlərin axın etdiyi Alban məbədi baxımsız vəziyyətdədir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN