Bakının Nərimanov rayonu, Yusif Vəzir Çəmənzəminli küçəsində yaşayan sakinlər yarımçıq qalan tikinti işlərindən narazıdırlar.

Baku TV-nin qaynar xəttinə müraciət edən sakinlərin sözlərinə görə, təxminən bir-iki il əvvəl ərazidə tunelin çəkilməsi ilə bağlı işlərə başlanılsa da, ötən ilin dekabr ayından etibarən proses dayanıb.

Nəticədə qış aylarında palçıq, yayda isə toz-torpaq səbəbindən küçədə hərəkət çətinləşib.

"İşlər dayanıb, sonu da görünmür. Nə yolu rahat keçə bilirik, nə də pəncərələrimizi aça bilirik", - deyə sakinlərdən biri bildirib.

Məsələ ilə bağlı Azərbaycan Avtomobil Yolları Dövlət Agentliyindən (AAYDA) verilən məlumata görə, dövlət proqramına uyğun olaraq yeni yolun inşası həyata keçirilir və sözügedən ərazi də layihənin tərkib hissəsidir.

Qeyd olunub ki, layihənin digər hissələri üzrə işlər davam etdirilir, həmin hissədə isə tikinti işlərinin yaxın vaxtlarda yenidən başlanılması nəzərdə tutulur.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakı şəhərinin sevilən Qış nağılı yenidən Fəvvarələr meydanında!

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Qış turizm mövsümü öncəsi daxili turizm imkanları nümayiş etdirilib