Baku TV Şuşada fəaliyyət göstərən 1 nömrəli tam orta məktəbin fəaliyyəti ilə tanış olub.

Məktəbin direktoru Səbinə Gözəlova bildirib ki, müəssisədə 200-dən çox şagird təhsil alır. Onlara akademik biliklərlə yanaşı, milli-mənəvi dəyərlər, məsuliyyət və vətənpərvərlik hissi aşılanır.

Onun sözlərinə görə, şagirdlər müxtəlif olimpiada və bilik yarışlarında iştirak edərək uğurlar əldə edirlər. Məktəbdə həmçinin intellektual yarışlar təşkil olunur, bu isə onların inkişafına töhfə verir.

Direktor əlavə edib ki, məktəbdənkənar fəaliyyət istiqamətində də mühüm işlər görülür. Belə ki, məktəbin nəzdində Bülbülcan adına Uşaq Musiqi Məktəbinin fortepiano bölməsi yaradılıb, hazırda isə Şuşa rayon Uşaq və Gənclər İdman-Şahmat Məktəbinin yaradılması istiqamətində hazırlıq işləri aparılır.

Kitabxana müdiri Mehparə Quliyeva isə oxu klubunun yaradıldığını, şagirdlərin kitablara marağının artırılması istiqamətində işlər görüldüyünü qeyd edib.

Oxşar xəbərlər

Qarabağ Universitetində "Mənəvi dəyərlər" günü keçirilib

Heydər Əliyev Fondunun dəstəyi ilə alınan musiqi alətlərinin təqdimatı olub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

SOCAR-ın Bakı Ali Neft Məktəbinin nəzdində fəaliyyət göstərən Rəqəmsal Biliklər Liseyinin rəsmi açılış mərasimi keçirilib

Sumqayıtda 36 nömrəli tam orta məktəbin yenidənqurmadan sonra açılışı olub