Misli Premyer Liqasının XXXII turunda daha iki görüş baş tutub.

"Far.Az"un məlumatına görə, "Turan Tovuz" səfərdə "Şamaxı"nın qonağı olub.

Şamaxı şəhər stadionunda keçirilən görüş meydan sahiblərinin 3:2 hesablı qələbəsi ilə yekunlaşıb.

"Şamaxı"nın heyətində Arsen Ağcabəyov (10), Dioqo Balau (28) və Abdulla Rzayev (83) fərqləniblər. Tovuz klubundan isə İbrahima Vadji (65) və Alexandro Serrano (73) rəqib qapısına yol tapıblar.

Bu nəticədən sonra "Turan Tovuz" 59 xalla 3-cü pillədə yer alıb. 38 xala malik "Şamaxı" isə 8-cidir.

Günü digər matçında "Qarabağ" "İmişli" ilə üz-üzə gəlib. Tofiq Bəhramov adına Respublika stadionunda təşkil olunan görüşdə Ağdam təmsilçisi 3:0 hesablı qələbə qazanıb.

Topları Kamilo Duran (47), Marko Yankoviç (66-p.) və Abdullah Zubir (78) rəqib qapısından keçiriblər.

Qurban Qurbanovun baş məşqçisi olduğu komanda hazırda 66 xalla turnir cədvəlinin ikinci pilləsindədir. 33 xala malik "İmişli" isə doqquzuncudur.

Xatırladaq ki, turun ötən gün keçirilən görüşlərində "Araz-Naxçıvan" "Kəpəz"i (2:0), "Qəbələ" "Karvan-Yevlax"ı (2:1) məğlub edib. XXXII tura mayın 17-də yekun vurulacaq.

Oxşar xəbərlər

Azərbaycan və BƏƏ prezidentləri Cıdır düzündə Qarabağ atlarının şousunu izləyiblər

Birinci Qarabağ müharibəsinin itkin şəhidi Abdulla Quliyevlə vida mərasimi keçirilib

Leyla Əliyeva Bakı Xoreoqrafiya Akademiyasının qonağı olub

UEFA Çempionlar Liqası: "Qarabağ" Bakıda "Nyukasl"a böyük hesabla uduzub - YENİLƏNİB-9

"Qarabağ"ın tarixi qələbəsi DÜNYA MƏTBUATINDA