İran Hörmüz boğazında gəmilərin hərəkətinin tənzimlənməsi üçün yeni marşrut sistemi hazırlayıb.

BAKU.WS-in məlumatına görə, bu barədə İran parlamentinin Milli Təhlükəsizlik Komissiyasının sədri İbrahim Əzizi "X" sosial şəbəkəsində paylaşım edib.

O bildirib ki, Tehran tərəfindən müəyyənləşdirilən marşrut əsasında "peşəkar mexanizm" yaradılıb və sistem yaxın vaxtlarda ictimaiyyətə təqdim olunacaq.

Əzizinin sözlərinə görə, yeni qaydalar çərçivəsində yalnız kommersiya gəmiləri və İranla əməkdaşlıq edən tərəflər müəyyən üstünlüklərdən istifadə edə biləcəklər.

Komissiya sədri qeyd edib ki, təqdim olunacaq ixtisaslaşmış xidmətlər üçün müvafiq ödəniş nəzərdə tutulur.

İbrahim Əzizi əlavə edib ki, ABŞ-nin Hörmüz boğazında gəmilərin müşayiəti üçün həyata keçirdiyi "Azadlıq" layihəsində iştirak edən ölkələr və həmin layihəyə qoşulan gəmilər bu marşrutdan istifadə edə bilməyəcəklər.

Oxşar xəbərlər

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

"Rövşənoğlu Agro" - "YARA" şirtkəti ilə birgə yerli fermerlər üçün ixtisaslaşmış seminar təşkil etdi

Anar Rzayev: "2030-cu ildə Bakıda nəqliyyat sıxlığı ciddi azalacaq"

Anar Rzayev: "2030-cu ildə Bakıda nəqliyyat sıxlığı ciddi azalacaq" – MÜSAHİBƏ

Anar Ələkbərov "44" bədii filminin çəkilişlərinin başa çatması barədə paylaşım edib