Altı ildən sonra fəaliyyətini bərpa edən Bakı-Tbilisi-Bakı marşrutu üzrə sərnişin qatarı mayın 26-dan etibarən müntəzəm olaraq reysə buraxılacaq. "Azərbaycan Dəmir Yolları" Qapalı Səhmdar Cəmiyyətinə məxsus yataq tipli vaqonlardan ibarət müasir qatarlar həmin vaxtdan daşımalara start verəcək.

Komfort sinif üzrə kupelər dördnəfərlikdir və hər birində televizor var.

Bakı-Tbilisi-Bakı sərnişin qatarında ilk dəfə olaraq komfort və komfort+ vaqonlarda sərnişinlərin istifadəsi üçün ümumi, lüks vaqonlarda isə hər kupe üçün ayrıca duş kabinəsi və sanitar qovşaq yaradılıb.

Kupelər fərdi tənzimlənən temperatur və işıqlandırma sistemi, bələdçi ilə əlaqə düyməsi, səs izolyasiyası ilə təmin olunub. Həmçinin şəxsi əşyalar üçün kart sistemi ilə çalışan seyf, elektrik yuvaları, internet, dörd dildə məzmunun təqdim edildiyi TV monitoru, pult və qulaqlıq yerləri mövcuddur.

Xatırladaq ki, "Azərbaycan Dəmir Yolları" QSC və "Gürcüstan Dəmir Yolları" SC arasında əldə olunmuş ilkin razılaşmaya əsasən, qatarlar hər gün Bakıdan saat 23:10-da yola düşəcək və növbəti gün saat 08:41-də Tbilisiyə çatacaq, Tbilisidən isə saat 21:00-da yola düşməklə növbəti gün Bakıya saat 06:24-də çatacaq.

Far.Az xəbər verir ki, Oxu.Az reysə buraxılacaq ilk qatardan hazırladığı reportajı təqdim edir:

Oxşar xəbərlər

Bakı-Tbilisi-Bakı qatarında komfort, komfort+ və lüks siniflərdə getmək olacaq - NƏLƏR DAXİLDİR?

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub