"270 min hektardan çox ərazi artıq minalardan təmizlənib".

BAKU.WS xəbər verir ki, bu sözləri Azərbaycan Dövlət Şəhərsalma və Arxitektura Komitəsinin Layihələrin idarə edilməsi şöbəsinin müdiri Ramil Cahangirov Ümumdünya Şəhərsalma Forumunun 13-cü sessiyası çərçivəsində keçirilən "Münaqişədən Sonrakı Şəhər Yenidənqurması: Humanitar Mina Təmizlənməsinin Həlledici Rolu" adlı tədbirdə çıxışı zamanı qeyd edib.

O bildirib ki, hansı ərazilərin daha çox çirkləndiyini və hansının nisbətən daha az riskli olduğunu müəyyən etmək üçün daim məsləhətləşmələr aparılır:

"Hazırda çox böyük rəqəmlərlə qarşılaşırıq: 270 min hektardan çox ərazi artıq təmizlənib". R.Cahangirov vurğulayıb ki, ANAMA-nın mütəxəssisləri üçün hər bir kvadrat metrin təmizlənməsi olduqca çətindir, çünki risk hər yerdə mövcuddur. Onun sözlərinə görə, təhlükə bəzən gözlənilməyən ərazilərdə-dağlıq bölgələrdə və aktiv döyüş əməliyyatlarının aparılmadığı zonalarda belə ortaya çıxır. Bu səbəbdən hər bir yaşayış məntəqəsinin tam şəkildə təmizlənməsi vacibdir.

Şöbə müdiri həmçinin ərazilərin baş planların mərhələli icrasının önəmini qeyd edib: "Hazırda təqdim olunan layihələr və tikilmiş evlər həmin kənd və şəhərlərin birinci mərhələsinə aiddir. Mərhələliliyi təmin etmək üçün mina təmizləmə qurumu ilə koordinasiya aparılmalı və yalnız birinci mərhələ tam təmizləndikdən sonra tikinti işlərinə başlanılmalıdır".

Oxşar xəbərlər

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib