Rusiya ordusu mayın 24-nə keçən gecə Ukraynanın Kiyev vilayətinə orta mənzilli ballistik raketlə hücum edib.

Far.Az xəbər verir ki, istifadə olunan raketin RS-26 "Rubej" ("Oreşnik") olduğu qeyd edilir.

Ukrayna tərəfi raketin Rusiyanın Kapustin Yar poliqonundan buraxıldığını açıqlayıb. Zərbənin Kiyev vilayətinin Bila Tserkva rayonu istiqamətinə endirildiyi bildirilir.

Həmin gecə Rusiya qüvvələrinin Kiyev və ətraf ərazilərə pilotsuz uçuş aparatları və ballistik raketlərlə də hücum etdiyi vurğulanır.

Hücum nəticəsində paytaxtın müxtəlif rayonlarına raket qalıqlarının düşdüyü, dağıntılar və insan tələfatının olduğu qeyd edilir. Kiyev vilayətində də yaralananların və dağılan obyektlərin olduğu bildirilir.

Oxşar xəbərlər

Prezident Zəngilan şəhərində 104 mənzilli yaşayış kompleksində görülmüş işlərlə tanış olub

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib

Bu gün paytaxtın 555 küçəsi yuyuldu

Ukrayna dronları Rusiyanın "Oreşnik" raketlərinin buraxıldığı poliqonu vurub

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib