Xorvatiya, Niderland, Rusiya və Moldova səfirlikləri Qurban bayramı münasibətilə Azərbaycan xalqına təbrik ünvanlayıb.

"Report" xəbər verir ki, təbriklər diplomatik nümayəndəliklərin sosial şəbəkələrdəki səhifələrində dərc olunub.

Xorvatiyanın Azərbaycandakı səfirliyi təbrikində Azərbaycan xalqına uğurlar və firavanlıq arzulayıb.

Niderlandın Azərbaycandakı səfirliyi də təbrik göndərərək vurğulayıb: "Müqəddəs Qurban bayramı münasibətilə Azərbaycan xalqını səmimi-qəlbdən təbrik edirik".

"Qardaş Azərbaycan xalqını Qurban bayramı münasibətilə təbrik edirik! Qoy bu mübarək bayram xeyirxah əməllərə ilham versin, qarşılıqlı anlaşmanı, razılığı möhkəmləndirsin və doğmalarla, yaxınlarla isti ünsiyyətin sevincini bəxş etsin", - Rusiyanın Azərbaycandakı səfirliyinin paylaşımında deyilir.

Moldovanın Azərbaycandakı səfirliyi də Azərbaycan müsəlmanlarını bayram münasibətilə təbrik edib.

"Qoy bu müqəddəs bayram hər evə sülh, sağlamlıq, rifah və harmoniya gətirsin, həmrəylik, şəfqət və səxavət dəyərləri cəmiyyətdə qarşılıqlı anlaşmaya və birliyə ilham verməyə davam etsin. Moldova səfirliyi müsəlman icmasının ənənələrinə və mədəniyyətinə dərin hörmətini ifadə edir və bayramı qeyd edən hər kəsə yaxınlarının yanında xeyir, könül rahatlığı və rifah arzulayır", - diplomatik missiyanın təbrikində qeyd olunub.

Oxşar xəbərlər

Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Prezident İlham Əliyev Niderlandın Azərbaycanda yeni təyin olunmuş səfirinin etimadnaməsini qəbul edib

Azərbaycan Həmkarlar İttifaqları Konfederasiyasının Novruz və Ramazanla bağlı bayram tədbirləri

Dünya liderləri Prezident İlham Əliyevi təbrik edirlər