Yunanıstanın Zakintos adasında yerləşən və dünyanın ən məşhur turistik məkanlarından biri hesab olunan Navagio çimərliyi təhlükəsizlik səbəbindən müvəqqəti olaraq turistlərin üzünə bağlanıb.

BAKU.WS xəbər verir ki, qərar bölgədə artan sürüşmə və qaya uçqunu riski ilə əlaqədar qəbul edilib.

Zakintos Bələdiyyəsi və Yunanıstan Turizm Nazirliyinin birgə yaydığı məlumata əsasən, çimərliyə giriş oktyabrın 31-dək qadağan edilib.

Bu müddət ərzində turistlər əraziyə enə bilməyəcək, batıq gəmini və körfəzi yalnız xüsusi müşahidə platformalarından izləyə biləcəklər.

Firuzəyi rəngli dənizi, ağ qumlu sahili və sahildə yerləşən batıq gəmi ilə tanınan Navagio körfəzi hər il on minlərlə turistin diqqətini cəlb edir və dünyanın ən çox şəkli çəkilən məkanlarından biri sayılır.

Məhdudiyyət qərarının verilməsinə ötən həftə baş vermiş ciddi hadisə də təsir edib.

Məlumata görə, ABŞ-dan olan bir turist uçurum sahəsində baş verən sürüşmə nəticəsində yıxılaraq ağır xəsarətlər alıb.

Mütəxəssislər bildirirlər ki, Navagio körfəzini əhatə edən yüksək qayalıqlarda zaman-zaman qaya parçalarının qopması və torpaq sürüşmələri müşahidə olunur.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Qış turizm mövsümü öncəsi daxili turizm imkanları nümayiş etdirilib

Halvaçılığdan ipəkçiliyə, tarixin rəngli pəncərələrinə - Şəki SƏFƏRİ

Turistlərin sevimli şəhərinə çevrilmiş paytaxt Bakı