"Ferrari"nin britaniyalı pilotu Lüis Hemilton 2026-cı il "Formula-1" üzrə dünya çempionatının 7-ci mərhələsi olan Barselona-Kataloniya Qran-prisinin qalibi olub.

BAKU.WS xəbər verir ki, ikinci yeri "Mercedes"in britaniyalı pilotu Corc Rassell tutub, üçüncü pillədə isə onun komanda yoldaşı qərarlaşıb.

Yeddiqat dünya çempionu Hemilton "Mercedes"dən "Ferrari"yə keçidindən sonra ilk qələbəsini qazanıb. O, ötən mövsüm podiuma yüksələ bilməsə də, cari mövsümdə iki dəfə ikinci, bir dəfə isə üçüncü olub.

41 yaşlı pilot "Formula-1" tarixində qələbələr (106), podiumlar (206) və poul mövqeləri (104) üzrə rekordunu daha da yaxşılaşdırıb.

Ümumi sıralamada "Mercedes" pilotu Kimi Antonelli 156 xalla liderliyini qoruyur. Hemilton 115 xalla ikinci, Rassell isə 106 xalla üçüncü pillədə qərarlaşıb. Konstruktorlar Kubokunda isə "Mercedes" (262 xal) liderdir, onu "Ferrari" (190) və "McLaren" (141) izləyir.

Qeyd edək ki, çempionatın növbəti – 8-ci mərhələsi iyunun 26–28-də Avstriyada keçiriləcək.

Oxşar xəbərlər

F1: Azərbaycan Qran-prisinin ilk günündən - FOTOREPORTAJ

"Formula 1" üzrə Azərbaycan Qran-prisinin təşkilində 2 min könüllü iştirak edir

"Formula 1": Azərbaycan Qran-prisinin qalibi bəlli olub

Lüis Hemilton "Formula-1" Qran-prisinin qalibi olub

Alim Nəbiyev MMA üzrə ardıcıl olaraq üçüncü qələbəsini qazandı - VİDEO