İtaliyada keçmiş general Roberto Vannacci yeni siyasi partiya yaradaraq Baş nazir Ciorcia Meloniyə qarşı siyasi mübarizəyə başlayıb.

BAKU.WS xəbər verir ki, Vannacci "Futuro Nazionale" adlı yeni ifrat sağçı partiyanın qurulduğunu elan edib. O, növbəti seçkilərdə Meloninin əsas rəqiblərindən biri olmağa iddialıdır.

Məlumata görə, keçmiş general daha sərt millətçi və Avropa İttifaqına qarşı mövqeyi ilə tanınır. Onun rəhbərlik etdiyi siyasi hərəkat miqrasiya siyasətinin sərtləşdirilməsi, qeyri-qanuni miqrantların geri göndərilməsi və İtaliyanın Aİ siyasətinə yenidən baxılması kimi çağırışlarla çıxış edir.

Vannacci çıxışlarında Meloninin əvvəlki vədlərini yerinə yetirmədiyini iddia edərək, onun seçici bazasını hədəf alan siyasi xətt yürüdür.

Yeni partiyanın iqtisadi proqramında Avrozonaya üzvlüyün yenidən müzakirəsi, yaşıl enerji siyasətindən imtina və nüvə enerjisinin bərpası kimi təkliflər yer alır. Eyni zamanda vergi güzəştləri və təhlükəsizlik siyasətinin sərtləşdirilməsi də əsas prioritetlər sırasındadır.

Qeyd edək ki, siyasi analitiklər yeni partiyanın sağ blok daxilində güc balansını dəyişə biləcəyini istisna etmirlər.

Oxşar xəbərlər

İlham Əliyevin Ciorcia Meloni ilə geniş tərkibdə görüşü olub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev və Ciorcia Meloni mətbuata bəyanatlarla çıxış ediblər - YENİLƏNİB

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyevin Ciorcia Meloni ilə təkbətək görüşü keçirilib