Futbolçularımın cəsarətinə heyran qaldım.

"Report" xəbər verir ki, bunu "Qarabağ"ın baş məşqçisi Qurban Qurbanov UEFA Avropa Liqasında Niderlandın "Ayaks" komandasına qarşı baş tutan oyundan sonra mətbuat konfransında deyib.

Təcrübəli mütəxəssis məğlub olduqları görüşü şərh edib:

"İlk dəqiqələrədən oyuna çox yaxşı başlamışdıq. "Ayaks"la matçda müdafiəyə qapanmaq istəmirdik. Çox yaxşı hazırlaşmışdıq. Təəssüf ki, sonda belə üzücü məğlubiyyət yaşadıq. Futbolçularımızın qırmızı vərəqə alması çox pis hadisə idi. Gələcək matçlarda həmin futbolçuların xidmətindən yararlana bilməyəcəyik. Oyunçularımın cəsarətinə heyran qaldım. Böyük oyunlarda "böyüməyə" çalışırıq. Əfsuslar olsun ki, bəsit epizodlarda sadə vərəqələr aldıq. İnşallah, komandamız cəsarətli oyununu davam etdirsə, qarşıdakı müddətdə daha yaxşı nəticələr əldə edəcək".

Qeyd edək ki, UEFA Avropa Liqasının Liqa mərhələsinin III turunun “Qarabağ” – “Ayaks” matçı qonaqların 3:0 hesablı qələbəsi ilə başa çatıb.

Oxşar xəbərlər

UEFA Avropa Liqası: "Qarabağ" "Ayaks"a məğlub olub - VİDEO - YENİLƏNİB-8

UEFA Avropa Liqası: "Qarabağ" "Tottenhem"ə məğlub olub - YENİLƏNİB-8

UEFA Avropa Liqası: "Qarabağ" - "Ayaks" oyununda ikinci hissə başlayıb - VİDEO - YENİLƏNİB-4

UEFA Avropa Liqası: "Qarabağ" İsveç klubuna məğlub olub - YENİLƏNİB - 6

UEFA Avropa Liqası: "Tottenhem" - "Qarabağ" oyununda ikinci qol vurulub - YENİLƏNİB-5