Yunanıstanda su ehtiyatlarının azalması fonunda 12 adada fövqəladə vəziyyət rejimi tətbiq olunub.

Far.Az xəbər verir ki, bu barədə Yunanıstan mətbuatı məlumat yayıb.

Məlumata görə, quraqlıq, su istehlakının artması və mövcud infrastrukturun tələbatı qarşılaya bilməməsi səbəbindən, o cümlədən bir sıra turizm adalarında fövqəladə vəziyyət elan edilib.

Yunanıstanın Ətraf Mühit və Su Ehtiyatları üzrə baş katibi Petros Varelidis bildirib ki, su qıtlığı bir çox ada üçün uzunmüddətli problemdir. Onun sözlərinə görə, yeni turizm layihələri planlaşdırılarkən mövcud su və infrastruktur imkanları mütləq nəzərə alınmalıdır.

Varelidis qeyd edib ki, bəzi adalarda içməli su şəbəkələrində itkilər 60 faizə qədər yüksəlib. Bu səbəbdən yeni obyektlərin tikintisindən əvvəl su təchizatı sistemlərinin yenilənməsi və modernləşdirilməsi prioritet məsələ hesab olunur.

Rəsmilər xəbərdarlıq edirlər ki, iqlim dəyişiklikləri və turist axınının artması yaxın illərdə ölkənin ada bölgələrində su çatışmazlığını daha da dərinləşdirə bilər.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

Qış turizm mövsümü öncəsi daxili turizm imkanları nümayiş etdirilib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib