İqlim dəyişikliyi fonunda ağcaqanad və gənələrin daha erkən aktivləşməsi insan sağlamlığı üçün yeni risklər yaradır.

BAKU.WS xəbər verir ki, havaların daha isti keçməsi, yay mövsümünün uzanması və yağıntı rejimindəki dəyişikliklər bu canlıların sayının artmasına səbəb olur. Nəticədə onların yayılma arealı genişlənir, daşıdıqları xəstəliklərin yayılma ehtimalı yüksəlir.

Alimlərin sözlərinə görə, qış aylarının daha mülayim keçməsi səbəbindən əvvəllər təbii şəkildə məhv olan həşəratların sayı azalır. Bu isə ağcaqanad və gənələrin daha çox çoxalmasına şərait yaradır. Xüsusilə 20-25 dərəcə temperatur onların inkişafı üçün əlverişli hesab olunur.

Mütəxəssislər qeyd edirlər ki, bəzi bölgələrdə əvvəllər yay aylarında müşahidə olunan ağcaqanadlar artıq daha erkən dövrdə görünməyə başlayıb. Gənələrlə bağlı risklərin də artdığı vurğulanır.

Ekspertlər xəbərdarlıq edirlər ki, iqlim dəyişikliyi nəticəsində Qərbi Nil qızdırması, Laym xəstəliyi və Krım-Konqo hemorragik qızdırması kimi infeksiyaların yayılma riski yüksələ bilər.

Mütəxəssislərin tövsiyəsinə görə, həyətlərdə və yaşayış məntəqələrində durğun su yığıntıları aradan qaldırılmalı, pəncərələrdə torlardan istifadə edilməli, təbiət ərazilərinə səfərlərdən sonra isə bədəndə gənə yoxlaması aparılmalıdır.

Onlar vurğulayırlar ki, iqlim dəyişikliyinin təsirləri yalnız ekoloji deyil, həm də ciddi ictimai sağlamlıq problemi kimi qiymətləndirilməlidir.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Mart ayında hava iqlim normasından yüksək olacaq