Türkiyədə 2026-cı ilin əvvəlindən etibarən aparılan razı salma tədbirləri nəticəsində 134 terror təşkilatı üzvü təhlükəsizlik qüvvələrinə təslim olub.

BAKU.WS xəbər verir ki, bu barədə Türkiyənin Daxili İşlər Nazirliyi məlumat yayıb.

Bildirilib ki, Jandarma Baş Komandanlığının Kəşfiyyat İdarəsi, Polis Baş İdarəsinin Kəşfiyyat İdarəsi və Terrorla Mübarizə İdarəsinin koordinasiyalı fəaliyyəti nəticəsində təslim olan şəxslər arasında "boz" kateqoriyadan 2, "sarı" kateqoriyadan isə 1 terror təşkilatı üzvü yer alıb.

Məlumata görə, təslim olanlardan 115 nəfər barəsində həbs qətimkan tədbiri seçilib, 14 nəfər haqqında məhkəmə nəzarəti qərarı verilib. Daha 5 nəfərlə bağlı hüquqi prosedurlar davam edir.

Türkiyənin Daxili İşlər Nazirliyi bildirib ki, terrorla mübarizə yalnız təhlükəsizlik əməliyyatları ilə deyil, həm də razı salma tədbirləri və peşmançılıq mexanizmləri vasitəsilə çoxşaxəli şəkildə davam etdirilir.

Nazirlik vurğulayıb ki, ölkədə terror təhlükəsinin aradan qaldırılması istiqamətində mübarizə bundan sonra da eyni qətiyyətlə davam etdiriləcək.

Oxşar xəbərlər

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

Kəlbəcərdə 32 il sonra ilk dəfə Yeni il tədbiri keçirildi

Azərbaycanda bank maşınları satışa çıxarıldı - 4 min manatdan başlayır

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib