Fransa və Oman gəmiçiliyin təhlükəsizliyini və azadlığını təmin etmək üçün Hörmüz boğazının minalardan təmizlənməsi əməliyyatlarına qoşulmaq qərarına gəlib.

BAKU.WS "Report"a istinadən xəbər verir ki, bu barədə Fransa Prezidenti Emmanuel Makron Oman Sultanı Heytəm bin Tariq Al Səidlə danışıqların yekunları üzrə "X" sosial şəbəkəsində bildirib.

"Biz Yaxın Şərqdə gərginliyin azaldılması üzərində birgə işləyirik. Dəniz yollarının təhlükəsizliyini təmin etmək və Hörmüz boğazı vasitəsilə azad və şərtsiz gəmiçiliyə zəmanət vermək üçün boğazın minalardan təmizlənməsi əməliyyatlarının aparılmasında tərəfdaşlarımızla əməkdaşlıq etmək qərarına gəldik", - o yazıb.

Makronun sözlərinə görə, bu gün Oman və Fransa həmçinin ikitərəfli tərəfdaşlığı gücləndirməyə xidmət edən iqtisadi, elmi, mədəni və sənaye sahələrində bir sıra tarixi sazişlər bağlayıblar.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Mingəçevirdə qəza zamanı xilasetmə əməliyyatlarına dair təlim keçirilib

Xaosun bir addımlığında: ermənipərəst baş nazirin ardınca Makronun gedişi Fransanın xilası olacaq - ŞƏRH

Qalibaf və Oman Sultanı Hörmüz boğazının idarə olunmasını müzakirə edəcəklər