Azərbaycan terrorizmi bütün forma və təzahürlərində birmənalı şəkildə qınayır və terrorizmə qarşı qlobal mübarizəyə sarsılmaz sadiqliyini bir daha təsdiq edib.

"Report" xəbər verir ki, bunu Azərbaycan Respublikasının Birləşmiş Millətlər Təşkilatındakı (BMT) daimi nümayəndəsi, səfir Tofiq Musayev bildirib.

BMT-nin Baş Qərargahında keçirilən Baş Assambleyanın təşkilatın "Qlobal Terrorizmlə Mübarizə Strategiyası"na dair plenar iclasında T. Musayev vurğulayıb ki, bütün dövlətlər tərəfindən beynəlxalq terrorizmlə mübarizə öhdəliklərinə ciddi şəkildə riayət edilməsi, onların ərazilərindən terrorçuluq, separatçılıq və ya digər əlaqədar fəaliyyətlər üçün istifadə olunmamasını təmin etmək baxımından vacib olaraq qalır.

O, həmçinin terror aktlarını törədənlərin məsuliyyətə cəlb edilməsinin, eləcə də terror qurbanları, terrorizmdən sağ çıxanlar və zərərçəkmiş dövlətlərlə davamlı həmrəyliyin, onlara dəstəyin qorunub saxlanılmasının vacibliyini xüsusi qabardıb.

Xatırladaq ki, daha əvvəl BMT-nin Baş Qərargahında "BMT-nin Dördüncü Antiterror Həftəsi" çərçivəsində "BMT Üzv Dövlətlərinin Antiterror Agentliklərinin Rəhbərlərinin Dördüncü Yüksək Səviyyəli Konfransı" baş tutub.

At the UN General Assembly plenary meeting on the UN Global Counter-Terrorism Strategy, held on 1 July 2026 at UN Headquarters, Amb. Tofig F. Musayev, Permanent Representative of the Republic of Azerbaijan to the United Nations, reaffirmed Azerbaijan's unequivocal condemnation of… pic.twitter.com/7Z5G1NkRz3

— Azerbaijan UN 🇦🇿 (@AzmissionUN) July 1, 2026

Oxşar xəbərlər

"Sarsılmaz Tərəfdaşlıq-2025" birgə xüsusi təyinatlı qüvvələr təlimi sona çatıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2