Rusiya Silahlı Qüvvələri Toqo bayrağı altında üzən ticarət gəmisinə zərbə endirib, nəticədə heyətin 3 üzvü ölüb.

"Report" xəbər verir ki, bu barədə Ukrayna Baş nazirinin bərpa məsələləri üzrə müavini Aleksey Kuleba öz teleqram kanalında yazıb.

Onun sözlərinə görə, zərbə mineral gübrələrin boşaldılması zamanı endirilib:

"Gəminin üst hissəsinə düşən zərbə nəticəsində yanğın baş verib. Təəssüf ki, heyətin 3 üzvü həlak olub, beş dənizçi isə yaralanıb. Bütün zərərçəkənlər xəstəxanaya yerləşdirilib".

Kuleba vurğulayıb ki, bu cür hücumlar beynəlxalq gəmiçiliyin təhlükəsizliyinə, qlobal ticarətin sabitliyinə və dünyanın ərzaq təhlükəsizliyinə təhdid yaradır.

Baş nazirin müavini zərbənin haradan endirildiyi barədə təfərrüatları açıqlamayıb.

Oxşar xəbərlər

Prezident İlham Əliyev "AZWOOL" mineral daş yunu zavodunun açılışında iştirak edib

Prezident İlham Əliyev IV Şuşa Qlobal Media Forumunun açılışında iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Sabirabadda "Dinin siyasiləşməsi və məzhəbçilik: milli kimliyə yönəlmiş təhdid kimi" mövzusunda regional konfrans keçirilib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ