ABŞ Silahlı Qüvvələrinin Mərkəzi Komandanlığı (CENTCOM) İrana qarşı növbəti zərbə dalğasının başa çatdığını açıqlayıb.

"Report" xəbər verir ki, bu barədə komandanlığın X sosial şəbəkəsində yayımladığı məlumatda bildirilib.

Qeyd olunub ki, ABŞ qüvvələri İranın komanda mərkəzlərinə, hava hücumundan müdafiə obyektlərinə, raket və pilotsuz sistemlərinə, eləcə də sahil müşahidə vasitələrinə zərbələr endirib.

Vurğulanıb ki, əməliyyatın məqsədi Hörmüz boğazından keçən kommersiya gəmilərinin ekipajlarına qarşı İranın təhdid imkanlarını daha da azaltmaq olub. Bir neçə bölgədə, o cümlədən Bəndər-Abbas şəhərindəki obyektlərin məhv edilməsi üçün yüksək dəqiqlikli sursatlardan istifadə edilib.

15 iyul, 23:31

ABŞ hərbçiləri İrana qarşı ikinci zərbə mərhələsini həyata keçirməyə başlayıblar.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

Komandanlığın X sosial şəbəkəsində yayımladığı açıqlamada bildirilib: "ABŞ-ın şərq sahili vaxtı ilə saat 15:00-da (Bakı vaxtı ilə 23:00 - Qeyd) ABŞ Silahlı Qüvvələri İrana qarşı zərbələrin ikinci dalğasına başlayıb. Zərbələr Hörmüz boğazından sərbəst şəkildə keçən gəmilərə qarşı təhdid yaratmaq üçün istifadə edilən İranın hərbi obyektlərini hədəf alır".

Qeyd olunub ki, əməliyyatın əsas məqsədi İranın dəniz nəqliyyatına qarşı istifadə etdiyi hərbi imkanların zəiflədilməsidir.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2