ABŞ dövlət katibi Marko Rubio Tehranın ünvanına ittihamlarla çıxış edərək, Vaşinqtonla danışıqlar prosesi çərçivəsində İran tərəfinin ciddi yanaşmasının olmadığını qeyd edib.

"Far.Az" xəbər verir ki, bu barədə Dövlət Departamentinin rəhbəri Filippinin paytaxtı Manilada ASEAN ölkələrinin xarici siyasət idarələri rəhbərlərinin görüşündə çıxış edərkən bildirib.

"Hazırda qarşılaşdığımız əsas çətinlik ondan ibarətdir ki, İran tərəfi danışıqlar prosesinə qeyri-ciddi münasibət nümayiş etdirir. Əgər onların tərəfindən ciddilik nümayiş etdirilərsə, biz də eyni cür cavab verəcəyik. Əgər ciddi yanaşma olmazsa, biz öz maraqlarımızın, eləcə də tərəfdaşlarımızın və müttəfiqlərimizin maraqlarının qorunmasını təmin etmək üçün bütün zəruri addımları atacağıq", - Rubio bildirib.

O qeyd edib ki, İran tərəfi əvvəllər əldə olunmuş razılaşmalara baxmayaraq, öz üzərinə götürdüyü öhdəlikləri hələ də yerinə yetirməyib.

Daha əvvəl İran XİN-in rəsmi nümayəndəsi İsmayıl Bəqai bildirib ki, razılaşma məhz Amerika tərəfinin günahı ucbatından pozulub. O qeyd edib ki, ABŞ tərəfindən öhdəliklərin pozulmasının davam etməsi İranın öz öhdəliklərini yerinə yetirməsini qeyri-mümkün edir.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

İlham Əliyev Türküstanda TDT-nin qeyri-rəsmi Zirvə görüşündə iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Bakıda D-8 ölkələrinin Gənclər Dialoqunun rəsmi açılış mərasimi keçirilib