Türkiyənin milli müdafiə naziri Yaşar Gülər Şimali Kiprdə yerləşən 39-cu Mexanikləşdirilmiş Piyada Diviziya Komandanlığında hərbçilərə müraciət edib.

"Report" xəbər verir ki, bu barədə Türkiyənin Milli Müdafiə Nazirliyi məlumat yayıb.

Y.Gülər bildirib ki, artan regional və qlobal təhdidlər fonunda Türkiyə təhlükəsizliyini təmin etmək, terrorla mübarizə aparmaq və dövlət maraqlarını qorumaq istiqamətində fəaliyyətini davam etdirir.

Y.Gülər qeyd edib ki, Türkiyə Silahlı Qüvvələrinin imkanları, planlaşdırmaları və şəxsi heyətin fədakarlığı sayəsində ölkə daxilində və sərhədlərdən kənarda terrorla mübarizədə mühüm uğurlar əldə olunub.

Şimali Kipr məsələsinə toxunan nazir bildirib ki, Türkiyə Zəmanət və İttifaq müqavilələri çərçivəsində adada sülh və təhlükəsizliyin qorunmasına davam edir.

Onun sözlərinə görə, 1974-cü il Şimali Kipr Sülh Hərəkatı adada qarşıdurmalara son qoyub və türk əsgərinin qəhrəmanlığı tarixə yazılıb. Gülər 39-cu Piyada Diviziyasının həmin əməliyyatda mühüm rol oynadığını və 142 şəhid verdiyini xatırladıb.

Nazir Avropa Parlamentinin Şimali Kipr məsələsi ilə bağlı qərarını da tənqid edərək bildirib ki, həmin sənədin hüquqi və tarixi əsası yoxdur.

"Tarix siyasi arqumentlərlə deyil, sənədlər və həqiqətlərlə yazılır", - deyə Gülər vurğulayıb.

O qeyd edib ki, Türkiyə beynəlxalq hüquqdan irəli gələn hüquqlarından və zəmanətçi dövlət kimi məsuliyyətlərindən geri çəkilməyəcək. Nazir Şimali Kiprdə qalıcı həllin iki bərabərhüquqlu və suveren dövlətin mövcudluğu əsasında mümkün olduğunu bildirib.

Şərqi Aralıq dənizindəki vəziyyətə də toxunan Gülər regiondakı gərginliyin təhlükəsizlik üçün risk yaratdığını qeyd edib və Türkiyənin həm özünün, həm də Kıbrıs türk xalqının hüquq və maraqlarını qorumaqda qətiyyətli olduğunu vurğulayıb.

Xatırladaq ki, bu gün Y.Gülər Şimali Kiprə səfər edib.

Millî Savunma Bakanı Yaşar Güler, Kuzey Kıbrıs Türk Cumhuriyeti’ndeki 39’uncu Mekanize Piyade Tümen Komutanlığımızdaki Mehmetçiklerimize hitaben bir konuşma yaptı. Bakan Yaşar Güler şunları söyledi:

TERÖRLE MÜCADELEDE BÜYÜK BAŞARILAR ELDE ETTİK

Sayın Genelkurmay Başkanımız ve… pic.twitter.com/ko46K8QIS0

— T.C. Millî Savunma Bakanlığı (@tcsavunma) July 19, 2026

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Uşaqların zərərli informasiyadan qorunmasına yönəlmiş normativ hüquqi akt layihəsi müzakirə olunub