Dünya Bankı iyunun 24-də Venesuelada baş vermiş zəlzələlərdən dəyən zərəri 19,6 milyard ABŞ dolları məbləğində qiymətləndirib.

"Far.Az" Dünya Bankının ilkin məruzəsinə istinadən xəbər verir ki, ümumi zərər həcminin təxminən yarısı mənzil fondunun payına düşüb.

Sənəddə qeyd olunub ki, dağıntıların miqyası iqtisadi artımı sürətləndirmək və fəlakətin sosial nəticələrini yumşaltmaq üçün ölkənin operativ şəkildə bərpa edilməsinin vacibliyini vurğulayır.

Qiymətləndirməyə görə, zərərin 47 %-i yaşayış binalarının, 27 %-i infrastruktur obyektlərinin, daha 26 %-i isə qeyri-yaşayış tikililərinin payına düşüb.

Təhlil itkilərin ilkin miqyasını müəyyənləşdirməyə imkan verən və Venesuela hökumətinə, eləcə də beynəlxalq tərəfdaşlara qarşıdakı bərpa işlərinin həcmini qiymətləndirməyə kömək edən qlobal sürətli zərər qiymətləndirmə proqramı (GRADE) çərçivəsində aparılıb.

Dünya Bankı GRADE-in nəticələrinə əsaslanaraq zəlzələnin mümkün makroiqtisadi və sosial-iqtisadi nəticələrini də təhlil edib.

Ekspertlərin rəylərinə görə, Venesuelanın iqtisadi bərpa templəri və onun gələcək sosial inkişafı zəlzələlərin nəticələrinin aradan qaldırılması üzrə işlərin həyata keçirilmə sürəti ilə müəyyən ediləcək.

Xatırladaq ki, Venesuelada dağıdıcı zəlzələ iyunun 24-ü axşam saatlarında baş verib. Təxminən 40 saniyə intervalla 7,2 və 7,5 maqnitudalı iki yeraltı təkan qeydə alınıb. Nəticədə təxminən 5 400 nəfər həlak olub.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Heydər Əliyev Fondunun dəstəyi ilə alınan musiqi alətlərinin təqdimatı olub

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3