Serbiya NIS məsələsində yekun həllə yaxındır.

"Report"un Balkan bürosu xəbər verir ki, bunu Serbiya Prezidenti Aleksandar Vuçiç RTS-ə müsahibəsində deyib.

O bildirib ki, ilk dəfədir, NIS şirkəti ilə bağlı Rusiya, Macarıstan və Serbiya arasında aparılan danışıqların uğurla başa çatacağına nikbin yanaşır və tərəflərin yekun razılaşmaya yaxın olduğunu düşünür:

"Düşünürəm ki, ilk dəfə olaraq xoş xəbəri bölüşə bilərəm – ruslar, macarlar və serblər arasında aparılan üçtərəfli danışıqların nəticəsini nikbinliklə gözləyirəm və inanıram ki, bu prosesi başa çatdıra biləcəyik. Məncə, bütün bunları diqqətlə izləyən amerikalılar da artıq bu məsələnin sona yaxınlaşdığını görürlər. Hesab edirəm ki, yekun həllə çox yaxınıq".

Onun sözlərinə görə, bu razılaşma Serbiyanın fiskal sabitliyini, kredit reytinqini və ümumilikdə iqtisadi mövqeyini daha da gücləndirəcək:

"İnanıram ki, bu məsələni qarşıdakı bir ay ərzində yekunlaşdıra biləcəyik".

Qeyd edək ki, ABŞ Maliyyə Nazirliyinin Xarici Aktivlərə Nəzarət İdarəsi (OFAC) daha əvvəl NIS şirkətinin fəaliyyət lisenziyasının müddətini iyulun 31-dək uzadıb. Eyni zamanda, Rusiyanın NIS-dəki payının alınması ilə bağlı danışıqlar aparan Macarıstanın MOL şirkətinə verilmiş icazənin müddəti də iyulun sonunadək uzadılıb.

Oxşar xəbərlər

Azərbaycan və Serbiya prezidentləri mətbuata bəyanatla çıxış ediblər - YENİLƏNİB-2

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3