"Formula-1" üzrə dünya çempionatının bu il Bəhreyndə keçirilməsi planlaşdırılan Qran-pri mərhələsi Malayziyaya köçürülüb.

BAKU.WS xəbər verir ki, bu barədə yarışın mətbuat xidməti məlumat yayıb.

Məlumata əsasən, Malayziya Qran-prisi oktyabrın 2-dən 4-dək "Sepanq" trasında təşkil olunacaq.

Xatırladaq ki, "Formula-1" rəhbərliyi mart ayında Yaxın Şərqdəki təhlükəsizlik vəziyyəti ilə əlaqədar Bəhreyn və Səudiyyə Ərəbistanında keçirilməsi nəzərdə tutulan Qran-pri yarışlarını təxirə salmışdı. Bəhreyn mərhələsinin aprelin 10-12-də, Səudiyyə Ərəbistanı mərhələsinin isə aprelin 17-19-da baş tutması planlaşdırılırdı.

Qeyd edək ki, Malayziya 1999–2017-ci illərdə "Formula-1" yarışlarına ev sahibliyi edib. "Sepanq" trasında ən çox qələbə qazanan pilot Almaniya təmsilçisi Sebastyan Fettel olub. Bu trasda keçirilən son yarışın qalibi isə Niderlandlı Maks Ferstappen olmuşdu.

Oxşar xəbərlər

DİN "Formula 1 Azərbaycan Qran Prisi" ilə əlaqədar vətəndaşlara müraciət edib

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

"Formula 1" üzrə Azərbaycan Qran-prisinin təşkilində 2 min könüllü iştirak edir

İlham Əliyev Cəbrayılın Horovlu kəndinin birinci mərhələsinin açılışında iştirak edib

DYP-dən "Formula-1 Azərbaycan Qran Prisi" ilə əlaqədar MÜRACİƏT