Yaponiyada 300 minə yaxın şəxs təxliyə ediləcək.

"Report" xəbər verir ki, bu barədə "Sky News" telekanalı Yaponiyanın Təbii Fəlakətlərin Nəticələrinin Aradan Qaldırılması Agentliyinə istinadən məlumat yayıb.

Qeyd edilib ki, daha əvvəl zəlzələnin baş verdiyi Kyuşu adasında afterşoklar davam edir. Bunun nəticəsində ada sakinləri təxliyə mərkəzlərinə köçməli olacaqlar.

Telekanalın məlumatına görə, bu ərazidə xilasetmə əməliyyatlarının aparılması üçün yüzlərlə əsgər göndərilib.

Xatırladaq ki, bu gün - iyulun 28-də Yaponiyanın cənubunda, Kyuşu adasındakı Kumamoto prefekturasında 7,1 maqnitudalı zəlzələ baş verib. Yeraltı təkanlar dağıntılara və elektrik enerjisi təchizatında fasilələrə səbəb olub, hakimiyyət orqanları sunami xəbərdarlığı elan edib, lakin bu xəbərdarlıq sonradan ləğv olunub. Azı bir nəfərin həlak olduğu və 100-dən çox insanın xəsarət aldığı bildirilir.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Balıkesirdəki zəlzələ zamanı 25 bina zərər görüb

İlham Əliyev Xocavənd şəhər və Xocavənd kənd sakinləri ilə görüşüb