Bazarlarda alıcıların ən çox üstünlük verdiyi mallardan biri də süd məhsullarıdır. Lakin bu məhsulların mənşəyi, istehsal yeri, eləcə də son istifadə tarixlərinin məlum olmaması istehlakçılar arasında suallar yaradır.

Məhz bu səbəbdən Azərbaycan Qida Təhlükəsizliyi Agentliyi (AQTA) ağartı məhsullarının mərhələli şəkildə etiketlənməsinə başlayıb. İlkin olaraq Bakının "Yaşıl bazar"ında tətbiq edilən bu prosesin növbəti mərhələdə paytaxtın digər bazarlarını və regionları da əhatə etməsi nəzərdə tutulub.

Yeni qaydalara əsasən, etiketlərdə məhsulun istehsalçısı, mənşəyi və yararlılıq müddəti kimi vacib məlumatlar öz əksini tapacaq. Bəs etiketlənmə bazardakı qiymətlərə necə təsir edəcək?

İqtisadçı Xalid Kərimli Baku TV-yə bildirib ki, proses sahibkarlar üçün müəyyən əlavə xərc yaratsa da, bu, kəskin qiymət artımına səbəb olmayacaq:

"Məhsulların etiketlənməsi və qablaşdırılması, xüsusilə ilkin dövrdə sahibkar üçün əlavə xərc deməkdir. Lakin bu xərclər ciddi qiymət dəyişikliyinə gətirib çıxarmamalıdır. Qərarın effektivliyi və cəmiyyət üçün faydası daha böyükdür. Qida təhlükəsizliyini və keyfiyyətini təmin edən bu mexanizm həm də keyfiyyətsiz məhsul təklif edən və vergidən yayınan subyektlərin aşkarlanmasına imkan yaradacaq".

Oxşar xəbərlər

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Ət əvəzinə hamı balıq alır - Bazarda SON QİYMƏTLƏR

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

AQTA: Bazarlardakı açıq ağartı məhsulları etiketlənəcək

Polis Günündə də post başında – Bakının küçələrindən diqqətçəkən FOTOLAR