Berlinin əyalət şəbəkəsinə genişmiqyaslı kiberhücumun arxasında hakimiyyətdən 30 bitkoin (təxminən 2 milyon avro) tələb edən və imtina ediləcəyi təqdirdə oğurlanmış məlumatları yaymaqla hədələyən məşhur "Rhysida" haker qruplaşması dayanır.

"Far.Az" xəbər verir ki, bu barədə "Spiegel" nəşri məlumat yayıb.

Tələb barədə məlumat qruplaşmanın öz qurbanlarının məlumatlarını dərc etdiyi darknetdəki "Rhysida" səhifəsində yerləşdirilib. Hakerlər hücum zamanı təxminən 6 terabayt məlumat oğurladıqlarını iddia edirlər.

Bundan əlavə, səhifədə gerisayım taymeri də işə salınıb. Avqustun 28-nə olan vəziyyətə görə, o, Berlinin ödənişi etmək üçün təxminən bir həftəsinin qaldığını göstərirdi.

Hakerlərin məlumatına görə, oğurlanmış məlumatlar arasında inzibati xətalarla bağlı təxminən 80 min işə aid məlumat, 46 500-dən çox müqavilə, məhkəmə sənədləri, kritik infrastruktur obyektləri haqqında məlumatlar, fövqəladə hallarda fəaliyyət planları, parollar və giriş üçün uçot məlumatları olan təxminən 6 min fayl ola bilər.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Leyla Əliyeva və Arzu Əliyeva Berlində MAMA "Ana təbiət" sərgisinin açılışında iştirak ediblər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib