İsrailin Müdafiə Ordusu Xan Yunis ərazisində HƏMAS-ın iki komandirini zərərsizləşdirib.

"Far.Az"un xəbərinə görə, bu barədə ordunun Mətbuat xidməti məlumat yayıb.

Məlumata görə, İsrail Ordusu Xan Yunisdə hərəkatın hərbi qanadının komandiri İsmayıl Məhəmməd İbrahim Barimə və HƏMAS-ın tank əleyhinə bölməsinin komandiri Bilal İbrahim Saleh Ragiyə dəqiq zərbələr endirib.

"Barim Qəzzanın cənubundakı tuneldə üç israilli girov saxlayırdı", - məlumatda deyilir.

Hava hücumu nəticəsində həmçinin ərazidəki HƏMAS-ın döyüşçüsü Əzzam Rifat Əbd Əbdal da öldürülüb.

İsrail Ordusunun məlumatına görə, onlar son zamanlar ölkənin mülki əhalisinə və hərbçilərinə qarşı terror hücumları həyata keçirməyə davam edərək atəşkəsi pozublar.

Oxşar xəbərlər

Masazır əhalisinə ŞAD XƏBƏR - artıq YEKUNLAŞIR

Şəhid olmuş bir qrup hərbi qulluqçu və mülki işçi ölümündən sonra təltif olunub

Zakir Həsənov Əlahiddə Ümumqoşun Ordunun döyüş hazırlığını yoxlayıb

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

Vətən müharibəsində Qələbənin beşinci ildönümünə həsr olunmuş Hərbi parad keçirilib