Varşava "Patriot" hava hücumundan müdafiə (HHM) sistemləri istehsalının bir hissəsinin Polşaya köçürülməsi ilə bağlı Vaşinqtonla danışıqlar aparır.

"Report"un "Business Insider Polska" nəşrinə istinadən məlumatına görə, bu barədə Polşanın müdafiə nazirinin müavini Maqdalena Sobkovyak-Çarnetskaya bildirib.

O qeyd edib ki, müzakirələr siyasi bəyanatlar çərçivəsindən kənara çıxıb və hazırda birbaşa sənaye nümayəndələri ilə aparılır.

Onun sözlərinə görə, qərar yaxın həftələrdə qəbul edilə bilər.

Sobkovyak-Çarnetskaya izah edib ki, danışıqlar bütün Avropada sözügedən Amerika HHM sisteminə tələbatın kəskin artması fonunda "Patriot" istehsalı zəncirinin bir hissəsinin Polşada yerləşdirilməsinə aiddir.

"Silaha artan tələbat Amerika istehsal güclərinə getdikcə daha çox yük yaradır. ABŞ-dəki istehsalçılar yerinə yetirilməmiş sifarişlərin artan həcmi ilə üzləşirlər", - nazir müavini vurğulayıb.

Polşa ilk dəfə iyul ayında Vaşinqtonda keçirilən danışıqlar zamanı ABŞ və Ukrayna ilə birlikdə "Patriot" raketlərinin birgə istehsalını rəsmən təklif edib. Varşava getdikcə daha çox bəyan edir ki, irimiqyaslı silah satınalmaları texnologiyaların ötürülməsi və Polşada istehsalın qurulması ilə müşayiət olunmalıdır, çünki ölkə öz yerli müdafiə sənayesini bərpa etməyə çalışır.

Oxşar xəbərlər

Sumqayıt Sənaye Parkında karton və qutu taralarının istehsalı müəssisəsinin açılışı olub

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2