Evdə istifadə olunan xoş qoxular yalnız atmosferi dəyişmir, həm də insanın emosional vəziyyətinə müəyyən təsir göstərə bilər.

Far.Az-in məlumatına görə, otaqlarda istifadə edilən ətirlər beyində emosiyalar və yaddaşla əlaqəli olan limbik sistemə birbaşa təsir göstərir.

Bu səbəbdən düzgün seçilmiş qoxular stress səviyyəsinin azalmasına və insanın özünü daha rahat hiss etməsinə kömək edə bilər.

Mütəxəssislər hesab edir ki, aparılan araşdırmalar uyğun aromatik mühitin yaradılmasının orqanizmdə stresslə əlaqəli kortizol hormonunun səviyyəsinə təsir göstərə bildiyini və insanın evdəki atmosferi qavramasını dəyişdirdiyini göstərir.

Ev üçün istifadə olunan müxtəlif aroma vasitələrinin təsiri və istifadə məqsədi də fərqlidir. Məsələn, ətirli şamlar və tütsülər daha çox axşam saatlarında rahatlamaq üçün uyğundur. Çubuqlu aroma diffuzorları isə otaqda uzun müddət qalıcı qoxu yaradır. Lakin qoxu insana xoş gəlmədikdə və ya yorucu olduqda onu tez bir zamanda aradan qaldırmaq çətinləşir.

Daha çevik seçim kimi quru püskürtmə funksiyasına malik otaq ətirlərindən istifadə tövsiyə olunur. Belə məhsulların üstünlüyü onların mebel və geyim üzərində iz buraxmamasıdır.

Bununla yanaşı, ev üçün ətir seçərkən bir sıra məqamlara diqqət yetirmək lazımdır. Qoxunu ilk anda qiymətləndirmək düzgün deyil. Ətirin otaqda necə hiss olunması onun ölçüsündən, ümumi interyerindən, həmçinin havanın temperaturu və rütubətindən asılı olaraq dəyişə bilər.

Bu səbəbdən ev üçün aroma məhsulu seçərkən onu məhz istifadə olunacağı şəraitdə sınamağı və qoxunun zaman keçdikcə necə dəyişdiyini nəzərə almaq məsləhətdir.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Şəhidlər xiyabanına xalq ziyarəti axşam saatlarında da davam edir

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2