"Bank of America"nın vitse-prezidenti Erin Pyaçenti Nyu-Yorkun Tayms meydanında bıçaqlı hücum nəticəsində həyatını itirib.

"Report"un xəbərinə görə, bu barədə "Reuters" məlumat yayıb.

Bildirilir ki, E. Pyaçenti aldığı bıçaq xəsarətləri nəticəsində xəstəxanada vəfat edib. O, "Bank of America"da biznes istiqamətlərinin seçilməsi və maraqlar toqquşması məsələləri üzrə vitse-prezident vəzifəsində çalışıb.

Nyu-York meri Zokhran Mamdani brifinq zamanı bildirib ki, əlində bir neçə bıçaq olan qadın Tayms meydanında iki nəfərə hücum edib.

Bundan sonra polis əməkdaşları elektroşokerdən istifadə edib, daha sonra isə atəş açıblar.

Nyu-York Polis Departamentinin komissarı Cessika Tiş bildirib ki, hücumların təsadüfi və heç bir səbəb olmadan törədildiyi ehtimal olunur. Onun sözlərinə görə, elektroşokerlər bıçaqları əlində olan və polis əməkdaşlarına doğru irəliləməyə davam edən qadını dayandırmadıqdan sonra polis atəş açıb.

Oxşar xəbərlər

Nyu-Yorkun "Times" meydanında Zəfər Günü ilə bağlı məlumatlandırma aksiyası keçirilir

Açıq-saçıq rollara çəkilməyən Cessika Albanı Hollivud silmək istədi amma...

Reper, müsəlman, sosialist - Nyu-Yorkun yeni meri kimdir?

Leyla Əliyeva və Arzu Əliyeva Nyu-Yorkda sərgidə iştirak ediblər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3